Светскиот рекет број 5, Новак Ѓоковиќ пред почетокот на турнирот во Мадрид одговори дали неговата мотивација е намалена по пензионирањето на Швајцарецот Роџер Федерер и Шпанецот Рафаел Надал.
– Можеби е така. Но, без мотивација не би бил тука. Не би играл повеќе, би го спуштил рекетот. Но, сè уште чувствувам желба да играм, страста за натпреварување е секогаш со мене. Се надевам дека ќе можам да го дадам најдоброто од себе. Грен слемовите се она што најмногу ме мотивира. Изјави Ѓоковиќ за „Tennis Up to Date“.
Триесет и седумгодишниот Србин е 24-кратен Грен слем шампион. Вкупно, тој освои 99 АТП титули во сингл во текот на неговата кариера.
Во 2024 година, Ѓоковиќ го освои златниот медал на Олимписките игри во Париз.
На Мастерсот во Мадрид што почнува денес, Ѓоковиќ во првото коло ќе биде слободен. (МИА)
Извор: kurir.mk
