Норис и Пјастри со најдобро време на тренинзите во Бахреин

Возачот на Мекларен, Ландо Норис, беше најбрз на денешниот прв тренинг пред трката за Големата награда на Бахреин.

Норис оствари време од 1:33,204 минути, оставајќи ги зад ебе Пјер Гасли и Луис Хамилтон. Четврти беше Александар Албон, а петтото место му припадна на Естебан Окон. Меѓу првите десетмина се најдоа уште Нико Хукелберг, Џек Дуан, Лиам Лосон, Јуки Цунода и Оскар Пјастри.

Вториот тренинг мина во знакот на Оскар Пјастри, кој извозе најдобро време 1:30,505 минути, а зад него беа тимскиот колега Ландо Норис и возачот на Мерцедес, Џорџ Расел.

Квалификациите се на програмата утре, а главната трка ќе се одржи в недела, со почеток во 17:00 часот.