Поранешната министерка за култура, Бисера Костадиноска Стојческа во Аргумент плус рече дека за Бугарија секогаш е проблем да се зборува за тоа дека немаат извршено ниту една од пресудите од судот за Човекови права во однос на македонските малцинства.
Според неа, тие како членка на Европска унија не почитуваат основни човекови права.
„Бугарија е во топ 10 земји кои немаат изврешно ниту една од пресудите кои се однесуваат за можност за регистрација за македонските малцинства во Бугарија. Негираат дека постои малцинство во Бугарија. Тие ги оцрнуваат македонските здруженија и даваат дознаење дека не сакаат да ги признаат воопшто македонските малцинства. Таквата реторика дека Македонија и македонскиот народ не постои е застарена и веќе им смета на сите земји членки на ЕУ. Бугарија доби џокер пред 18 години и не знае да го искористи и ги негира човековите права а од нас бара да ги вметнеме во Устав“, рече Костадиноска Стојческа.
Извор: 24vesti.mk
