Пет лица повредени во сообраќајка во Влае – четири возила учествувале, едно избегало од местото

Пет лица се полесно повредени во сообраќајна несреќа што се случила вчера попладне во близина на мостот „Влајко“ во скопската населба Влае.

Како што информира МВР, незгодата била пријавена околу 17:30 часот, а се случила на булеварот „Партизански Одреди“. Во несреќата учествувале четири патнички возила: две „ауди“ со скопски регистарски таблички, управувани од Д.С. (39) од Скопје и З.А. (29) од село Сингелиќ, едно „форд фиеста“ управувано од Т.Т. (46) од Скопје, и „фиат стило“, чииот возач го напуштил местото на настанот.

Според првичните информации, телесни повреди здобиле возачот З.А. и неговите сопатници – Р.Р. (20) од Сингелиќ и Ј.А. (20) од Батинци, како и возачот Д.С. и сопатникот од „форд фиеста“, Д.Т. од Скопје.

Повредените лица биле прегледани во Градската општа болница „Св. Наум Охридски“ и на Клиничкиот центар „Мајка Тереза“ во Скопје.

За настанот бил запознаен јавен обвинител, а увид на местото извршила екипа од СВР Скопје. Истрагата за причините и околностите на несреќата продолжува.