Алехандро Табило вторпат во својата кариеара во исто толку мечеви го победи Новак Ѓоковиќ. Чилеанецот во два сета го доби мечот од второто коло на Мастерсот во Монте Карло и го елиминира големиот шампион. По победата Табиљо го анализира одиграното и кажа:
„Се обидов да го искористам претходниот меч. Разговарав со тренерот и констатиравме дека знаеме како треба да одиграм. Победив еднаш и сега немав притисок, поради тоа бев поопуштен.
Доста бев исплашен дека ќе бара одмазда за првиот меч. Знам колку е ментално цврст. Бев подготвен на тоа дека Ѓоковиќ ќе дојде за да ме убие! Започнав цврсто, се обидов да бидам агресивен и да го држам подалеку од основната линија. Тактиката почна да ми успева, направив да не се чувствува комфорно и тоа беше одлично во клучните моменти“.
Во третото коло Табило оди на мегдан со Григор Димитров, откако Бугарот го победи домашниот тенисер Вачерот (2-0).
Извор: kurir.mk
