Новинарот Мирче Адамчевски во 24 анализа рече дека, царините кои ќе ги воведе Трамп може да се вратат како бумеранг врз американската економија. Според него, царините ќе донесат преговори кои ќе утврдат за каква бројка ќе станува збор.
„Експертите предвидуваат дека се ова може да се врати како бумеранг на американската економија. Да не заборавиме дека и Америка извезува, дава услуги во ИТ индустријата, исто така им значи извозот на оружје. Прашањето е дали ЕУ ќе нарчува оружје од Америка, и ако не нарачуваат Америка ќе биде во загуби. Најавено е дека во наредните неколку денови треба да почнат преговори. Тоа е стандард политика на Трамп. Прво ќе фрли некаков предлог па потоа ќе преговара. Наредниве денови се очекува да се пазари за колку да биде царината. Европа најавува контрамерки но ќе видиме. Сите чекаат да видат кој се мерките“, рече Адамчевски.
Тој зборуваше и за тоа дека макеоднските политичари треба да имаат некаква стратегија поврзана со царините.
„Македонските политичари не ни знаат што треба да презематниту што да работат, тие не следат што се случува. Треба да претпостават, иако е изземена Македонија од мерките сепак ќе имаме штети. Поврзани сме со автомобилската индустрија во Европа. Треба некој да има стратегија но засега има само молк и политичарите се преоптоварени со политички препукувања“, додаде Адамчевски.
Извор: 24vesti.mk
