ПОЧИНА АКТЕРОТ ВАЛ КИЛМЕР

April 2, 2025
1 min read

Американскиот актер Вал Килмер, кој се прослави како Ајсмен во „Топ ган“ и Џим Морисон во биографскиот филм за „Дорс“, почина на 65 години. Неговата ќерка Мерседес изјави дека Килмер починал од пневмонија во Лос Анџелес. На Килмер во 2014 му беше дијагностициран рак на грлото, од што целосно заздраве.

Роден на 31 декември 1959 во Лос Анџелес, Килмер на 17 години бил примен како најмладиот ученик во Џулијард во Њујорк, една од најпрестижните актерски школи на светот. Актерската кариера ја почнал во театар, а филмското деби го имаше во комедијата „Строго доверливо!“ во 1976 година. Ја играше рок ѕвездата Ник Риверс, кој е вовлечен во источногермански заговор за обединување на Германија. Овој филм покажа дека Килмер добро пее, па дури сними албум под името Ник Риверс.

Вистинска слава му донесе улогата на пилотот Том Ајсмен Казански, ривалот на Том Круз, во „Топ ган“. Филмот бил снимен за 15 милиони долари, а заработи 350 милиони. Килмер ја репризираше улогата во продолжението од 2022.

1990-тите покажаа дека Килмер може да се носи и со главни улоги во големи продукции, што особено дојде до израз во „Дорс“ на Оливер Стоун, во кој го играше Џим Морисон. Поради оваа улога, Килмер значајно ослабнал и научил да пее 50 песни од „Дорс“.

Потоа следуваа улогите во „Вистинска романса“, „Тумбстоун“, „Жештина“ и го замени Мајкл Китон како Бетмен во „Враќањето на Бетмен“. Килмер потоа одби уште еднаш да го игра овој суперхерој, но затоа го играше Сајмон Темплар во „Светец“, за што бил платен шест милиони долари.

Иако имал репутација дека е тежок и проблематичен на снимањата, Килмер продолжи редовно да снима и во 2000-тите, а се врати и во театар. Неговата кариера доживеа застој откако во 2014 му беше дијагностициран рак на грлото, при што му беше изведена трахеотомија, што му го наруши зборењето.

Во 2021 тој го сними документарниот филм за неговиот живот „Вал“.

ИЗВОР: sdk.mk

MARKETING

MARKETING

Претходно

Апелациониот суд Скопје ќе одржи јавна седница за случајот „Ласкарци“

Следно

Николоски: Скопје директно го поврзуваме со Париз, нова авионска линија Скопје-Париз

Latest from Blog

Гладот, главната причина за смртта на палестинското дете во израелскиот затвор

РАМАЛА (АА) – Откриено е дека гладот е главната причина поради која палестинското дете починало во израелскиот затвор пред околу 2 недели, известува Анадолу. Во заедничкото соопштение на Комитетот за затвореници и

Со мопед удри осумгодишно дете во Бутел: Пронајден возачот и ќе биде кривично гонет!

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата
Go toTop