Ревооружувањето на Европа и поддршката за Украина главни теми на неформалната средба на министрите за одбрана на ЕУ

April 2, 2025
1 min read

Плановите за повторно вооружување и зајакнување на одбраната на Европа и улогата на ЕУ во постигнувањето праведен мир во војната во Украина ќе бидат главни теми на неформалниот Совет за надворешни работи на Унијата на ниво на министри за одбрана, што денеска и утре ќе се одржи во Варшава. 

Според најавите на Полското претседателство со ЕУ, министрите за одбрана на земјите членки на Унијата ќе разменат мислење за плановите на Европската комисија за повторното вооружување на Европа и зајакнување на нејзината одбранбена индустрија во услови на сегашната безбедносна ситуација. 

Министрите, исто така, ќе разговараат и за континуираната поддршка за Украина и за тоа каква може да улога има Европската Унија во обезбедувањето праведен и траен мир, како и за пошироката геополитичка ситуација и конфликтите на Блискиот Исток. 

Со неформалниот Совет за надворешни работи ќе претседаваат високата претставничка на ЕУ за надворешни работи и безбедносна политика Каја Калас и полскиот вицепремиер и министер за национална одбрана Владислав Косињак-Камиш. 

Според дневниот ред, Советот ќе започне попладнево со презентација на Белата книга за иднината на европската одбрана од страна на еврокомесарот за одбрана и Вселената, Андриус Кубулиус, по што ќе се одржат два панели посветени на развој и на финансирањето на одбранбената способност на ЕУ. 

Советот ќе продолжи утре претпладне со дебата за воената поддршка на ЕУ за Украина, по што ќе следи работен ручек на кој министрите ќе разменат мислење на предлозите во Белата книга за европската одбрана. 

Неформалните Совети се заседанија на претставници на земјите членки на ЕУ на кои не се носат никакви одлуки, туку само се дебатира и се разменуваат мислење за одредени прашања.

Извор: 24vesti.mk

MARKETING

MARKETING

Претходно

Со сведочење на обвинетиот Влатко Кешишев продолжува судењето за убиството на Вања и Панче

Следно

Убиен полициски началник во Косово

Latest from Blog

Гладот, главната причина за смртта на палестинското дете во израелскиот затвор

РАМАЛА (АА) – Откриено е дека гладот е главната причина поради која палестинското дете починало во израелскиот затвор пред околу 2 недели, известува Анадолу. Во заедничкото соопштение на Комитетот за затвореници и

Со мопед удри осумгодишно дете во Бутел: Пронајден возачот и ќе биде кривично гонет!

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата
Go toTop