„Кој е следен“ бара да се објават сите документи за дискотеката „Пулс“

Иницијативата „Кој е следен“ денеска одржа протест пред Собрание, поради трагедијата во Кочани. Тие бараат да бидат објавени јавно сите документи околу дискотеката „Пулс“ во која на 16. март утрото се случи катастрофален пожар, во кој загинаа 59 лица.

„За случајот со дискотеката „Пулс„ во Кочани граѓанската иницијатива разбирливо има дилема дали институциите правосудните и државните ќе ја спроведат целата правда на достојно ниво и затоа бараме транспарентно и целосно да се објави документацијата поврзана со работењето на дискотеката во последните 13 години – рече Борјан Евтимов од Граѓанската иницијатива.