Компанијата Топлина Подмоље е избрана за најповолен понудувач за ископ на јаглен за потребите на РЕК Битола, со понудена цена од 49,85 денари за гигаџул јаглен и 214 денари за кубен метар јаловина.
Вкупната вредност на договорот за 12 месеци изнесува 1,44 милијарди денари или 25 милиони евра.
Како подизведувачи, Топлина пријавила четири компании Гранит Скопје, Градба Промет – Кавадарци, Илинден – Струга и Топ Билд – Скопје, а за техничка поддршка две – Форса АС од Скопје и Машинокоп од Кавадарци..
Договорот е за период од една година, а по неговото завршување, АД ЕСМ нема да има финансиски импликации.
Топлина беше привремено ангажирана поради пропаднатиот претходен повик, додека компанијата Марковски беше раскината поради непочитување на обврските. Топлина, заедно со две други струмички фирми, беше подизведувач на Марковски.
ИЗВОР: ТВ 21
