Попладнево во Македонија се врати првиот пациент од 115-те повредени во трагедијата во ноќниот клуб во Кочани, кои беа на лекување во странство. Пациентот, кој се лекувал во Белград, Србија, сега ќе биде на опсервација на Клиниката за токсикологија во Скопје.
По пристигнувањето, пациентот беше пречекан од министерот за здравство Арбен Таравари и министерот за надворешни работи и трговија Тимчо Мучунски.
Андон Чибишев, директор на Клиниката за токсикологија, потврди дека состојбата на пациентот е значително подобрена. Пациентот ќе остане под опсервација уште неколку дена, при што ќе се направат клинички тестови за да се осигура дека е стабилен и способен да се врати дома.
„Ќе направиме некои наши иследувања за да бидеме сигурни дека можеме да го пуштиме дома да си оди кај семејството“, објасни Чибишев.
Чибишев нагласи и дека согласно планот на Кризниот штаб, специјализирани тимови од психијатри и психолози се подготвени да понудат поддршка на сите пациенти кои се лекуваат во земјава, како и на оние кои се враќаат од странство. Психолошката жртва на трагедијата е значителна, а на пациентите ќе им биде потребна и психијатриска и психолошка грижа за да им помогне во нивното закрепнување.
ИЗВОР: racin.mk
