Прилепчанецот кој што вчера пукаше во вработена социјална работничка во Прилеп, ќе одговара за обид за убиство, но и за недозволено држење оружје .
Како што информираат од Обвинителство, покрај тоа што се обидел да и го одземе животот на работничката, тој во опасност го довел и животот на другите вработени.
– Тој со умисла се обидел да ја лиши од живот една оштетена – социјален работник, а во опасност го довел и животот на уште тројца вработени во Центарот за социјални работи. Со оружје – пиштол марка „Берета“ модел 950 Б со калибар 6,35 мм, кој го поседувал без дозвола, тој започнал да пука кон жртвата, која се обидела да се скрие во една канцеларија. Со два куршуми ја погодил, при што со едниот проектил и нанесол површна рана во пределот на главата – аркадата, а со другиот и нанел прострелна влезно-излезна рана во пределот на десната страна од слабината.
Осомничениот, како што велат од Обвинителство, е претходно осудуван за кривични дела – телесна повреда, загрозување на сигурноста, демнење и други кривични дела. Против него во постапка се и други пријави, а во моментот издржувал мерка на безбедност – Задолжително лекување во психијатриска болница од каде избегал.
ПРАВДА НО И ЗАШТИТА НА ВРАБОТЕНИТ ВО ЦЕНТАРОТ ЗА СОЦИЈАЛНи работи побараа вработените на протест.
Тонско Марко Спиркоски, Центар за социјална работа
За осомничениот јавниот обвинител до судијата на претходна постапка достави и предлог за определување мерка притвор.
Извор: 24vesti.mk
