Кремљ: Русија и САД сакаат решение за конфликтот во Украина

ИСТАНБУЛ (АА) – Кремљ денес соопшти дека и Русија и САД сакаат да постигнат договор за решавање на конфликтот во Украина, додека делегации од Москва и Вашингтон одржуваат нов круг билатерални преговори во главниот град на Саудиска Арабија, Ријад, јавува Анадолу, јавува Анадолу.

Портпаролот на Кремљ, Дмитриј Песков, истакна дека постои заедничка подготвеност за мирно решавање на конфликтот, но нагласи дека сè уште има многу аспекти што треба да се разработат.

Тој потсети дека на агендата на разговорите е прашањето и за Иницијативата за извоз на жито преку Црното Море, како и сите теми поврзани со нејзиното можно обновување. Тој нагласи дека оваа тема ја предложил американскиот претседател Доналд Трамп, а рускиот претседател Владимир Путин дал согласност за нејзино разгледување.

Тој додаде дека Путин не ја сменил својата наредба до руските сили да не ги напаѓаат украинските енергетски инфраструктурни објекти и дека Москва внимателно ја следи ситуацијата, исто како и Вашингтон, кој може да донесе соодветни заклучоци.

„Рускиот претседател ќе биде веднаш информиран за резултатите од разговорите по нивното завршување“, рече Песков.

Портпаролот на Кремљ ги даде овие изјави во време кога делегациите од Москва и Вашингтон одржуваат нова рунда билатерални разговори во саудискиот главен град Ријад, чија цел е да се постигне напредок во наоѓањето решение за конфликтот во Украина.

Состанокот има цел „главно да ги разработи изгледите за можно спроведување на добро познатата иницијатива за безбедноста на пловидбата по Црно Море“, рече помошникот на рускиот претседател Јуриј Ушаков во изјавата на Кремљ на 20 март, осврнувајќи се на Иницијативата за извоз на жито преку Црното Море.

Иницијативата за извоз на жито преку Црното Море, потпишана во јули 2022 година во Истанбул од Туркије, ОН, Русија и Украина, беше насочена кон обновување на извозот на жито од украинските пристаништа, кој беше прекинат поради почетокот на војната во февруари 2022 година.

На 17 јули 2023 година Русија се повлече од договорот, наведувајќи дека нејзиниот дел не бил исполнет.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.