Љубиша Николовски: За грешка на доктор се смени директор во Куманово, не треба да биде исто и со „кабарето“ во Кочани?

Новинарот Љубиша Николовски на социјалните мрежи направи паралела помеѓу менувањето на директорот на кумановската болница по смртта на пациент поради лекарска грешка и недавањето оставка на министерот за внатрешни работи за трагедијата во Кочани.

„Директорот на кумановската болница ќе биде сменет за смрт на пациент како одговорно лице иако тој не му го даде апчето на пациентот. Нели треба да биде исто и со “Кабарето” во Кочани? Оставка треба да се побара од најодговорниот-министерот“ напиша Николовски.

Директорот на кумановската болница беше сменет откако почина пациент на кој му бил даден лек на кој тој е алергичен од страна на лекар, кој не ја проверил алергијата во книшката на пациентот.

За трагедијата во Кочани, претставници на централната влада одбија да дадат оставки од морални причини поради настанот, а оставка, преку социјалните мрежи, понуди само градоначалникот на Кочани, Љупчо Папазов, кој се уште не е појавен во јавноста.