„Мировните преговори за Украина се на вистинскиот пат“, рече Трамп по разговорот со Зеленски

ВАШИНГТОН (АА) – Американскиот претседател Доналд Трамп денес изјави дека преговорите за ставање крај на руската војна против Украина се „на вистинскиот пат“ по разговорот со украинскиот претседател Владимир Зеленски, известува Анадолу.

Трамп изјави дека разговорот бил многу добар и дека траел околу еден час.

„Голем дел од дискусијата се базираше врз вчерашниот разговор со претседателот Путин, со цел да се усогласат барањата и потребите и на Русија и на Украина“, објави американскиот претседател на својата социјална мрежа.

Украинскиот претседател Владимир Зеленски во вторникот изјави дека го поддржува 30-дневниот прекин на огнот во енергетската инфраструктура, што претходно во текот на денот го објавија претседателите на Русија и на Соединетите Американски Држави по телефонскиот разговор.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.