Охридските средношколци со молчење им одадоа почит на настраданите во несреќата во Кочани

March 18, 2025
1 min read

Како што и беше најавено, тие се собраа во дворовите на училиштата, од каде се упатија кон Градскиот плоштад „Свети Климент Охридски“, каде палеа свеќи, положува цвеќе пред параклисот и со молчење изразија сочувство до семејствата на настраданите во кочанската трагедија.

Самиот марш и собир е иницијатива на Сојузот на средношколци на Република Македонија, што беше прифатена од сите средношколски установи од Охрид и мина според најавеното, без какви било пораки и официјални изјави.

Инаку, младите од Охрид пред новинарите што го следеа настанот говореа дека после несреќата во дискотеката во Кочани поинаку гледаат на потенцијалните опасности при такви помасовни собири, како што се забавите во преполните дискотеки и ноќни клубови.

Според она што го рекоа, не се убедени дека ноќните клубови, дискотеките и угостителски локали што работаат до рано наутро ги исполнуваат стандардите за безбедност, дека честопати се пуштаат повеќе гости од она што дозволува капацитетот на самите објекти.

Младите од Охрид самокритични, посведочија дека и како малолетни одат во дискотеките, дека најчесто успеваат на некаков начин да го поминат обезбедувањето и да влезат во клубовите. Она што најмногу им пречи, барем според нивните зборови, е тоа што честопати има инциденти во дискотеките и ноќните клубови, за кои потоа ништо не се зборува во јавноста, како тоа намерно да се заташкува. Велат дека несреќата во Кочани во која животот го загубија 59 млади лица, голем дел од нив нивни врсници, ќе ги натера да подразмислат малку повеќе за сопствената безбедност, каде излегуваат и повеќе да ги имаат предвид безбедносните препораки и законските одредби.

ИЗВОР: racin.mk

VERO JUMBO MACEDONIA

EVN MACEDONIA

MATINA DENTAL CLINIC

AUTO SHKOLLA BEKO

Претходно

Муцунски и Таравари во придружба на грчките заменик-министри за внатрешни и надворешни во посета на повредените во Солун

Следно

Владата го демантира ширењето на лажни вести за трагедијата во Кочани, бројот на жртви е 59

Latest from Blog

Комитет за човекови права на ООН: Бугарија го прекршила правото на слобода на здружување на етнички Македонeц

Прекршување на повелбата за здружување на македонците во Бугарија изрече Комитетот за човекови права на ООН со што во наредните 6 месеци ќе бара одифицјална Софија да превземе мерки за исправка на

ИСТОРИЈА: Баерн Минхен со 105 голови го урна рекордот во Бундес Лигата! (ФОТО)

ФОТО:facebook.com/fcbayern.en/ Каков Баерн? Страшен, монструозен Баерн! Нека му ја мисли Реал Мадрид во среда. “Баварците“ и дефинитивно посегнуваат по 35-тата титула шампион на Германија, а вечервашниот натпревар против Ст. Паули на гостински

Саботажа? СРЕД ПРЕГОВОРИ ЗА МИР ТРАМП ПРАТИ ВОЕНИ БРОДOВИ ВО ОРМУЗ!

Неколку бродови на американската морнарица влегоа и пловеа низ Ормутскиот теснец и тоа за време на преговорите помеѓу САД и Пакистан, потврди американски функционер. Ова е прво поминување на американски воени бродови
Go toTop