Министерот за внатрешни работи, Панче Тошковски вечерва изјави дека „осомничени досега се повеќе од 20-тина луѓе, согласно последните информации кои ги добив за најголем дел од нив веќе се извршени разговори со истите. Дел од тие веќе се во притвор, дел од нив се од луѓето коишто биле во рамки на овој објект како повредени и дел од нив исто така во текот на денешниот ден, во текот на утрешниот ден по насока на Јавен обвинител ќе постапуваме и ќе бидат спроведени согласно закон до надлежен судија по претходна постапка за оние кои Јавното обвинителство ќе оцени дека треба да бидат така процесиуирани“.
Министерот истакна дека досега се констатирани основи за сомнение за сторено кривично дело по член 288 и 292 од КЗ.
Тој потенцираше дека нема да има милост за никого и секој еден ќе одговара.
„Нема да има буквално милост за никого, секој еден којшто допринел директно или индиректно, посредно или непосредно во рамки на оваа ужасна трагедија којашто и се случи на Македонија заради којашто плаче секој еден Македонец ќе одговара. Нема да е како досега во случаите“, рече Тошковски вечерва на телевизија Сител.
Министерот Тошковски укажа дека многу недобронамерници на оваа земја пробуваат да ја дефокусираат и манипулираат јавноста.
ИЗВОР: ТВ 21
