На денешната седма седница на Комисија за социјална политика, демографија и млади членовите го разгледаа Предлог законот за изменување и дополнување на Законот за пензиско и инвалидско осигурување, по скратена постапка.
Во ова законско решение со членот 1 се врши усогласување на пензијата на корисници на пензија на кои
пензијата им се исплаќа во Република Северна Македонија; Со членот 2 се уредува еден од условите за именување на директорот, односно заменик директорот на Фондот, кој се однесува на поседување на уверение, сертификат и/или потврда со кои се докажува познавање на еден од трите најчесто користени јазици на Европската Унија; Со членот 3 се врши зголемување на пензијата согласно Законот за изменување и дополнување на Законот за пензиското и инвалидското осигурување, по скратена постапка
(„Службен весник на Република Северна Македонија“ број 194/24), се предлага да се врши на корисници на пензија на кои пензијата им се исплаќа во Република Северна Македонија.
За ваквото решение на владејачкото мнозинство предводено од ВМРО ДПМНЕ, реагираше опозициската СДСМ. Тие во партиското соопштение напишаа:
„Пратениците на ДПМНЕ не го ни прочитале законот кои денес неделовнички го поминаа.
Покачувањето на пензиите не е во овој закон. Покачувањето на пензиите го изгласавме во септември, минатата година. Со денешниот закон ДПМНЕ насилно и со кршење на Деловник и процедури ги поминаа измените со кои на еден дел од пензионерите нама да им биде зголемена пензијата за 2.500 денари, но и ги намалија критериумите за избор на директор, за да нивниот Мемов од коалициониот партнер ЗНАМ може да остане на таа функција“, реагираат од СДСМ.
Според СДСМ, дополнително, денес ДПМНЕ ‘направи се за да му помогне на Африм Гаши и претседавачката со комисијата да не го стават на седница и да не го изгласаат Законот за бранители. За сите прекршувања пратеничката која претседаваше со комисијата ќе добие кривична пријава. Тоа што пратениците од ЗНАМ и ДПМНЕ го кочат Законот за бранителите нега го објаснуваат на граѓаните. Се што кажаа досега, се излажаа“.
ИЗВОР: racin.mk
