Муртезани: Се уште сме меѓу најподготвените држави во регионот за пристапување кон ЕУ

March 14, 2025
2 mins read

Ние се уште сме меѓу најподготвените држави во регионот за пристапување кон ЕУ. Моето лично убедување е, а тоа го гледам и од системот со кој цело време работам, како и од моите секојдневни контакти во Брисел, дека ако во скоро време го решиме проблемот со Бугарија, во 2030 година потенцијално би можеле да станеме полноправна членка на ЕУ, рече вечерва министерот за европски прашања и главен преговарач со Европската Унија, Орхан Муртезани.

Муртезани во гостувањето на „Трилинг“ истакна дека процесот на пристапување во ЕУ нема да може да се заврши ако не се нафатиме да направиме сериозни реформи во правосудниот систем. Тој ја сподели бројката која, како што нагласи, сите ја знаат, дека само два отсто од граѓаните имаат доверба во правосудството.

-Тоа значи очајна потреба од ургентни реформи. Сите сигнали кои доаѓаат од Брисел се дека таму се неопходни реформски зафати, но тоа што Брисел сака да го види е одреденото политичко влијание во институциите, конкретно во правосудството, да не се заменува со друго политичко влијание. Сите такви загрижености треба сериозно да ги слушаме и да ги имаме предвид во нашите настојувавња за реформи во правосудството, напомена министерот.

Во врска со македонско-бугарските односи, Муртезани оцени дека најголемата пречка е недостигот на доверба. Земјава, рече, го направи првиот чекор и комуникација има, но треба да се спушти на институционално ниво и да се прошири. За внесувањето, пак, на Бугарите во Преамбулата на Уставот, тој е дециден дека формално правно таков чекор ќе се потегне кога во Собранието ќе има двотретинско мнозинство, но Македонија, потенцира, се залага процесот на проширување да го направи попредвидлив со оглед дека повеќе пати имавме искуство со редовни блокади што, нагласи, не прави многу повниматели. Според Муртезани, се што ќе значи дека процесот на преговори ќе заврши без да биде блокиран, за нас е добредојдено.

На прашањето до кога би можеле да бидат изгласани уставните измени, тој повтори дека Владата е подготвена да го потегне тоа ако добие сигнал дека процесот на преговри нема да биде блокиран.

-Се уште сметам дека со Бугарија имаме безброј теми на кои можеме да соработуваме без притоа да зборуваме за уставните измени. Првиот чекор е воспоставување доверба која ќе создаде фундамент за градење идно решение. Без ваков пристап секој ќе седи на својата позиција и на тој начин ќе оневозможиме изнаоѓање заедничко решение, рече министерот.

Негов став е дека во текот на преговорите може да не блокира и друга членка, но во однос на се што е поврзано со реформите.

-Апсолутно да. Ако не ги спроведеме реформите успешно и да најдеме решение со Бугарија, нашиот процес ќе биде блокиран. Сепак, тоа ќе биде предизвикано од нас, а сите блокади досега не биле предизвикани од нас. Тоа што во Брисел е како преамбула „стриктно да, но коректно“ сме подготвени да го трераме и се што е поврзано со зајакнување на здравјето на демократијата, правната држава, економијата сме подготвени да го изодиме, но не и блокади кои не се предизвикани од нас и уште помалку, кои не се поврзани со процесот на преговори, подвлече Муртезани.

Во врска со „трампизмот“ и новата американска политика, Муртезани е дециден дека продлабочувањето на билатералните односи со САД не се косат со стратешките приоритети на нашата држава.

ИЗВОР: kurir.mk

MARKETING

MARKETING

Претходно

Зеленски: Условите на Путин „јасно покажуваат дека тој не сака мир“

Следно

Полицијата најмногу „прислушкувала“, ОТА овозможи следење на 340 комуникации врз основа на примени судски наредби

Latest from Blog

ВМРО ДПМНЕ гласаше за покачување на пензиите кои се исплаќаат само во Македонија

На денешната седма седница на Комисија за социјална политика, демографија и млади членовите го разгледаа Предлог законот за изменување и дополнување на Законот за пензиско и инвалидско осигурување, по скратена постапка. Во ова

Димитриевски за пораката од Вајц: Поупатно да се информира за целиот процес и да ги праша граѓаните

Во контекст на забелешките од известувачот за Македонија на Европскиот парламент Томас Вајц дека во повикот на владата за оставки на петте члена од Судскиот совет, гледаат загрижувачки знак за политичко мешање

Спектакуларна црвена полна месечина над истанбулската џамија Чамлиџа

ИСТАНБУЛ (АА) – Објективот на Анадолу вечерва сними спектакуларни снимки од издигнувањето на „црвената“ полна месечина над познатата истанбулска џамија Чамлиџа, јавува Анадолу. Тајмлапсот од месечината над џамијата со поглед на Босфорот

Словенка Ника Превц постави нов светски рекорд

Деветнаесет годишната словенечка натпреварувачка во скијачки скокови која неодамна по втор пат стана светски шампион, денес постави нов рекорд во женска категорија во скијачки скокови во Викерсунд, Норвешка. Ника во јануари ја

Полицијата најмногу „прислушкувала“, ОТА овозможи следење на 340 комуникации врз основа на примени судски наредби

Во текот на неделава Комисијата за надзор над спроведување на мерките за следење на комуникациите ја одржа третата  седница на која како матично работно тело го разгледа Годишниот извештај за работата на
Go toTop