Силен дожд предизвика поплави и прелевања во Италија

March 14, 2025
1 min read

РИМ (АА) – Обилните врнежи од дожд во регионите Тоскана и Емилија-Ромања во централна Италија предизвикаа поплави и прелевања, известува Анадолу.

Според вестите објавени во националните медиуми, обилните врнежи од дожд вчера забележани во регионите Тоскана и Емилија-Ромања негативно се одразиле врз секојдневниот живот.

Највисокото ниво на тревога, „црвено“, беше дадено во овие два региона поради поројните врнежи, бидејќи се зголеми нивото на водата во реките и потоците. Од тие причини, јавноста беше повикана да се држи подалеку од подрумите и приземните катови.

Во утринските часови се излеа реката Римаџо, која тече низ градот Сесто Фиорентино во Фиренца, главниот град на регионот Тоскана. Поради тоа многу улици беа покриени со вода, а италијанската противпожарна единица им помогна на возачите кои останаа блокирани во своите возила. Општината ги предупреди граѓаните да не излегуваат од домовите и да не користат возила.

Освен тоа, зголеменото ниво на водата во реката Арно, која тече низ градовите Фиренца и Пиза во регионот Тоскана, достигна алармантно ниво. Од тие причини издадено е предупредување за ризик од поплави од прв степен.

Еугенио Џани, претседател на регионалната влада на Тоскана, информираше дека состојбата на реките во регионот, особено на Арно, внимателно се следи од Цивилната заштита и дека е подготвен план за отстранување на вишокот вода во случај на поплава во Арно.

Во Фиренца, критична клучка на националната железничка мрежа, беа прекинати железничките услуги поради дождот.

Од друга страна, фериботите меѓу островот Елба во близина на брегот на Тоскана во Медитеранот и копното не можеа да сообраќаат поради неповолните временски и морски услови.

Во некои градови во Тоскана и Емилија-Ромања, каде што ситуацијата е критична, училиштата се затворени, а некои работни места се затворени денес и утре.

Во Болоња, главниот град на Емилија-Ромања, поројните врнежи предизвикаа поплавување на некои подвозници во центарот на градот.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Третиот Меѓународен конгрес за приказ на случаи – еден од најголемите мултидисциплинарни медицински настани во Македонија

Следно

Министерот Таравари ја посети најмодерната и најголема болницата Бори

Latest from Blog

Спектакуларна црвена полна месечина над истанбулската џамија Чамлиџа

ИСТАНБУЛ (АА) – Објективот на Анадолу вечерва сними спектакуларни снимки од издигнувањето на „црвената“ полна месечина над познатата истанбулска џамија Чамлиџа, јавува Анадолу. Тајмлапсот од месечината над џамијата со поглед на Босфорот

Словенка Ника Превц постави нов светски рекорд

Деветнаесет годишната словенечка натпреварувачка во скијачки скокови која неодамна по втор пат стана светски шампион, денес постави нов рекорд во женска категорија во скијачки скокови во Викерсунд, Норвешка. Ника во јануари ја

Полицијата најмногу „прислушкувала“, ОТА овозможи следење на 340 комуникации врз основа на примени судски наредби

Во текот на неделава Комисијата за надзор над спроведување на мерките за следење на комуникациите ја одржа третата  седница на која како матично работно тело го разгледа Годишниот извештај за работата на

Зеленски: Условите на Путин „јасно покажуваат дека тој не сака мир“

ИСТАНБУЛ (АА) – Украинскиот претседател Владимир Зеленски денес изјави дека „веднаш се согласил“ на предлогот на Соединетите Американски Држави (САД) за безусловен прекин на огнот и дека Русија останува единствената пречка за
Go toTop