Светскиот рекет број 3, Карлос Алкараз, откри како сака да го поминува времето надвор од теренот во Индијан Велс, САД.
– Ми се допаѓа овде затоа што имам можност да поминувам време со тимот, со моето семејство, а исто така да трошам време на себе. Сакам да играм голф, овде е рај за овој спорт. Се обидувам да најдам време да играм голф за да си ја разбистрам главата. Многу ми помага да играм добар тенис, изјави Алкараз за „Tennis.com“.
Во четвртото коло на турнирот, 21-годишниот Шпанец ноќеска го победи Бугаринот Григор Димитров. Натпреварот траеше 1 час и 14 минути и заврши со победа на Шпанецот со резултат 6:1 и 6:1.
Следен противник на Алкараз ќе биде Аргентинецот Франциско Серундоло.
Извор: kurir.mk
