Меѓународниот Фонд за деца при Обединетите нации (УНИЦЕФ) објави дека само 1 од 10 луѓе во Појасот Газа има пристап до чиста и пивка вода, додека 90 % од населението се бори да дојде до чиста вода за да преживее, известува Анадолу.
Според веста што ја објави Палестинска официјална агенција ВАФА, Росалија Пулин, службеничка на УНИЦЕФ во Газа, изјавила дека на приближно 600.000 луѓе им бил овозможен пристап до вода за пиење во ноември 2024 година, но водоснабдувањето повторно е во прекин и уште повеќе се влошила хуманитарната криза во регионот.
Нагласувајќи дека недостигот на вода во Газа достигнал критично ниво, Пулен рече дека моментално само еден од секои 10 луѓе има пристап до безбедна вода за пиење, а 90 % од населението се бори да најде чиста вода за да преживее.
Меѓународните хуманитарни организации истакнуваат дека од суштинско значење за милиони раселени луѓе во Газа е пристапот до чиста вода, здравствена заштита, собирање на ѓубрето што предизвикува болести, и обезбедување гориво за пречистителните станици на отпадни води.
Агенциите на ОН информираат дека 1,8 милиони луѓе во регионот, од кои повеќе од половина се деца, имаат итна потреба од чиста вода и здравствена помош.
Извор: Anadolu Agency (AA)
