Универзитетот „Мајка Тереза“ во Скопје наскоро се очекува да избира нов рекотр, бидејќи на сегашниот рекор, Изет Зеќири, му истекува мандатот.
Трката ќе почне следната недела и се очекува да биде напната. ТВ21 дозна дека двајца се главни кандидати: професорите Беким Фетаји и Блерим Саити. Меѓутоа, извори на телевизијата од универзитетот изразија загриженост во нашата редакција за една од кандидатурите.
Фетаји е инженер по ИТ. Според неговото CV, дипломирал на „Свети Кирил и Методиј“ во Скопје, магистрирал на Универзитетот Оксфорд во Обединетото Кралство, и е доктор на технолошки науки со студии завршени во Грац, Австрија.
Саити е професор по физичко образование. Според неговото CV, дипломирал и магистрирал на Институтот за физичка култура при Универзитетот во Тирана, а докторската титула ја стекнал на „Свети Кирил и Методиј“ во Скопје во 2013 година.
Загриженоста кај дел од академската заедница е поврзана со слабите резултати на професор Блерим Саити во средното образование. Тие дури доставиле документи од регистрите од средното училиште, каде што, како што се гледа, Саити имал само двојки како оценки, резултат кој што членови на академската заедница, кои побараа да останат анонимни, го сметаат за неприфатлив според стандардите што се бараат од професор, а да не зборуваме од рекор.
Ова, како што дозна ТВ21 од своите извори, предизвикало бес и револт кај академската заедница и студентите на Универзитетот, кои бараат целосно истражување и одговорност за одлуките кои довеле до оваа ситуација. Се поставува прашањето за критериумите за избор и интегритетот во универзитетскиот сектор. Тие сметаат дека кандидат со слаб академски резултат не треба да има пристап до толку важна позиција, која влијае не само на управувањето со институцијата, туку и на иднината на младите и културното наследство на албанската заедница во Северна Македонија.
ИЗВОР: ТВ 21
