„Ла Мураља Роха“: Ремек-дело на модерната и бруталистичка архитектура во Калпе

КАЛПЕ (АА) – Во шпанскиот град Калпе, архитектонското ремек-дело „Ла Мураља Роха“ продолжува да привлекува внимание со својот уникатен дизајн и впечатливи бои, јавува Анадолу.

Оваа зграда, проектирана од шпанскиот архитект Рикардо Бофил во 1968 година и завршена во 1973 година, претставува извонреден спој на модернистичките и бруталистички елементи.

Името на зградата, што во превод значи „Црвениот ѕид“, доаѓа од нејзината впечатлива палета на бои.

Надворешноста е обоена во различни нијанси на црвена и розова, додека внатрешните дворови се во сини и виолетови тонови, создавајќи амбиент што се менува во зависност од светлината.

Инспирирана од традиционалната медитеранска архитектура, „Ла Мураља Роха“ се карактеризира со лавиринтски распоред на скалиштата, дворовите и терасите, што ѝ дава динамичен изглед од секој агол.

Со вкупно 50 станбени единици, објектот нуди поглед кон морето и е еден од најпрепознатливите примери на авангардната архитектура во регионот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.