Основното јавно обвинителство ја информираше јавноста дека државниот јавен обвинител Љупчо Коцевски го доби предлогот за негово разрешување од Советот на Јавни обвинители. Оттаму соопштуваат дека откако Коцевски ќе го разгледа предлогот, ќе треба да достави писмено мислење до Советот.
„До јавниот обвинител од страна на советот на јавни обвинители денеска е доставен предлогот за негово разрешување поднесен од страна на владата. Јавниот обвинител ќе го разгледа и писмено ќе се произнесе во законски предвидениот рок“, велат од ОЈО.
И претседателката на Советот на јавни обвинители Душица Димитриевска информираше дека предлогот е испратен и дека откако ќе добијат повратен одговор од Коцевски, веднаш ќе биде закажана седница на која ќе се разгледуваат наводите во предлогот.
Откако вчера обвинителите предлогот го добија од Владата, почна да тече законскиот рок од две недели во кој Советот треба даде мислење за разрешувањето на Коцевски. Независно дали Советот ќе даде позитивно или негативно мислење, за негова смена последниот збор ќе го имаат пратениците.
ИЗВОР: racin.mk
