Во Будимпешта на средбата на премиерот Христијан Мицкоски со унгарскиот колега Виктор Орбан била разгледана ситуацијата во западниот свет, информираше домаќинот. Според Орбан, има судир во односите меѓу ЕУ и САД и судирот е дополнителна причина за посилна билатерална соработка на Скопје и Будимпешта, со цел да се изнаоѓа заеднички одговор во вакви ситуации во иднина. Орбан ги критикуваше европските колеги.
„Нашите најдобри надежи се сега појавени за да се заврши таа војна. Му кажав на господинот премиер дека ние ги поздравуваме преговорите меѓу САД и Русија и ние Унгарците сме заинтересирани за успешен исход. Му кажав на господинот премиер дека ние се караме со оние држави од ЕУ, кои се наши пријатели и сојузници, но решија дека Украина мора да продолжи со војната“, изјави премиерот на Унгарија, Виктор Орбан.
Премиерот Христијан Мицкоски истакна дека стратешка цел на државата останува членство во Европската Унија и за тоа не треба да постои дилема. Тој се надева, како што рече, пријателска Унгарија да помогне да се откочи процесот, а Орбан истакна дека е срамно што толку бавно се одвива пристапниот процес. Мицкоски воедно имаше и повик до Европа за изнаоѓањето мир во Украина.
„Заедно да поттикнеме и да поддржиме Европа да заземе, би сакал да потенцирам, поинтензивна улога во процес на постигнување траен и одржлив мир во Украина преку партнерство и сојузништво со САД, нешто што е и во полза на украинските пријатели и на самата Европа“, изјави премиерот Христијан Мицкоски.
Двајцата разговарале и за подлабока соработка во инфраструктурата и воената индустрија. Орбан кажа дека маса постоела идеја и за заедничка економска зона меѓу Унгарија, Србија и Македонија, но засега не е остварлива зашто две од трите држави на се членки на Унијата
ИЗВОР: kurir.mk
