Почина актерот Самоил Стојановски, еден од носечките глумци на репертоарот на велешкиот театар „Јордан Хаџи Константинов-Џинот“, соопшти институцијата. Имаше 54 години.
Роден на 3 ноември 1970 во Скопје, тој беше дел од македонската актерска сцена повеќе децении.
„Од 2003, па до неговиот последен аплауз во декември годинава, беше вработен во Велешкиот театар“, велат оттаму.
Играше во претставите „Будење“, „Ѕвонарот на Богородичната црква во Париз“, „Четвртата сестра“, „Орест“, „Жени во народното собрание“, „Сомнително лице“, „Враќање“, „Железно пиле“, „Дом за птици“, „Да се заборави Херострат“, „Х-Хамлет“, „Птици“, „Џинот, учителот“, „Веселите жени од Виндзор“, „Тероризам“, „Баханалии“, „Злосторство на островот на козите“, „ММЕ кој прв почна“, „Онегин“, „Шашардисани времиња“, „Принцезата и Гускарот“, „Последниот Балкански вампир“, „Крал Лир“, „Тартиф“, „Најважната работа на светот“, „Приказни од шестиот кат“, „Класен непријател“, „Добрата надеж“, „Мачорот во чизми“, „Ана Комнена“, „Синиот портокал“, „Лисистрата“, „Елешник“, „Креонт и Антигона“.
Стојановски оствари улоги и во филмската и во телевизиската продукција, како што се „Трст виа Скопје“ (1987–1990), „Погрешно време“ (2000), „Вампирџија“ (2002), „Крајот на играта“ (2002), „Крчма на патот кон Европа“ (2005), „Ова не е американски филм“ (2011), „Старо купуем“ (2013), „Приказни од животот“ (2014), „Ослободување на Скопје“ (2016), „Преспав“ (2016), Македонски народни приказни“(2017), „Црвениот поет“ (2024) и други.
ИЗВОР: sdk.mk
