Не доби поддршка на генералното собрание, но американската резолуција за Украина помина на Советот на безбедност на Обединетите Нации
Во документот, именуван како „Пат кон мирот“, а чиј коспонзор е Македонија, Русија не е наречена агресор и нема повик за повлекување на руските сили од Украина. Резолуцијата само содржи повик за брз крај на војната. Поддршка доби од 10 држави а пет беа воздржани САД, Русија и Кина гласаа потврдно, додека пак пет европски земји во советот – Велика Британија, Франција, Словенија, Данска и Грција беа воздржани. Три години од почетокот на конфликтот, ова е првпат Советот за безбедност да одобри заедничка резолуција за војната во Украина, а според меѓународното право, таа е обврзувачка.
„Оваа резолуција нe носи на патот кон мирот. Тоа е прв чекор, но клучен – со кој сите треба да се гордееме.“ – Дороти Шеј – амбасадорка на САД во О
Во меѓувреме, Владимир Путин ги повика европските држави да почнат да се занимаваат со реални проблеми наместо да се фокусираат на оддржување на нивниот имиџ. А откако во изминативе денови се засилија најавите дека наскоро Вашингтон и Киев ќе склучат договор за украинските рудни богатства, Путин му понуди на Трамп заедничко истражување на наоѓалишта на ретки минерали, вклучително и оние во деловите на Украина, кои се окупирани од Русија.
„Договорот за ретки минерали кои администрацијата на Трамп, наводно, го турка со Киев не не загрижува. Русија е фокусирана на развој на оваа индустрија поради нејзината критична важност во повеќе сфери. Но, ние би биле подготвени да им го понудиме ова на нашите американски партнери, доколку покажат интерес да работат заедно.“ – Владимир Путин – претседател на Русија.
А советникот за национална безбедност на американскиот претседател, Мајк Волц, вели дека идејата за влез на Украина во НАТО не е на маса, и покрај понудата на украинскиот претседател Володимир Зеленски да се повлече, во замена за членството на земјата во воениот сојуз…Уште еднаш го повтори ставот на Трамп дека Америка е подготвена да ја гарантира безбедноста на Украина во замена за ретки минерали, нешто што засега не е прифатливо за Киев.
„Не гледам дека САД сакаат Украина да се приклучи на НАТО, а потоа да ангажира американски војници според член 5 или директно да се вклучи во војната во Украина.“ – Мајк Волц – Советникот за национална безбедностна Доналд Трамп.
Во Европа пак, и покрај консензусот за руската закана, се уште се актуелни дискусиите за неопходните одговори, особено меѓу оние кои се за и против распоредување на мировници на украинска територија.
Извор: 24vesti.mk
