Чешката скијачка Тереза Нова веќе не е во кома

February 21, 2025
1 min read

Чешката алпска скијачка Тереза Нова, која тешко падна за време на тренингот пред спустот на Светскиот куп во Гармиш-Партенкирхен во јануари, е разбудена од индуцирана кома, објави денеска лекарскиот тим.

Дваесетиседумгодишната скијачка ќе биде транспортирана дома во Чешка, каде ќе продолжи со лекување.

При несреќата Нова со хеликоптер беше пренесена од патеката во клиника во Мурнау, Баварија, каде и беше констатирана тешка повреда на главата со крвавење, повреда на каротидна артерија и скршеница на очниот отвор.

Поради природата на повредите, таа беше ставена во индуцирана кома. По две недели, лекарите на одделот за интензивна нега почнаа со постепено будење со намалување на седативите.

„Кога отокот на мозокот се намали и крвавењето видливо се намали, пациентката беше доволно стабилна што можевме полека да ја разбудиме по консултација со нашите колеги неврохирурзи“, рече Маркус Грубер, главен лекар на одделот за интензивна нега во болницата Мурнау.

„Тереза сега е во стабилна состојба, што и овозможува безбеден транспорт до Чешка. Таму ќе биде подложена на серија дополнителни тестови и рехабилитација под надзор на специјалисти во локалната болница“, додаде Грубер.

Извор: kurir.mk

MARKETING

MARKETING

Претходно

Јончевски: Естонија ја знае нашата слаба точка, ќе се обидеме да ја покриеме

Следно

Претседателката Сиљановска-Давкова разговараше со членовите на НУ Камерен Оркестар на Битола

Latest from Blog

Јаневска: Образованието и науката не смеат да бидат фактор за иселување на младите, туку сфери за личен развој и вработување

Во 7 изминати години имаме 17 илјади ученици и 7 илјади студенти помалку. Училниците и амфитеатрите се празнат. Ако тоа не се спречи, државата не може да гледа перспективна иднина. За овие

Скопје доби ново летно кино на покривот на Сити мол

Скопје Сити Мол во партнерство со Синеплекс го отворија првото летно кино под отворено небо на покривот од трговскиот центар. Скопје е побогато за уште едно градско летно доживување, каде свечено беше отворено првото „Rooftop Open Air

Прилепскиот основен суд под лупа на ревизија на финансиското работење во 2023 година

Прилепскиот основен суд во поголем дел не доби позитивно мислење во врска со финансиските извештаи за 2023, а со резерва е прифатена нивната усогласеност. Ова е констатирано по ревизијата на финансиските извештаи

Ердоган: Сè поагресивните политики на Израел го загрозуваат регионалниот мир

ИСТАНБУЛ (АА) – Сè поагресивните политики на Израел под сегашната администрација го загрозуваат мирот и стабилноста во регионот, изјави денес турскиот претседател Реџеп Таип Ердоган, јавува Анадолу. Тој ги даде овие изјави
Go toTop