ЊУЈОРК (АА) – Американскиот сенатор Берни Сандерс тврди дека претседателот Доналд Трамп и американските олигарси се во „отворен сојуз“ со рускиот претседател Владимир Путин и руските олигарси, известува Анадолу.
Независниот сенатор Сандерс во серијата објави на својот профил на платформата X ги критикуваше политичките ставови на Трамп и американските олигарси што го поддржуваат, а истовремено упати критики и на односот што го разви со рускиот лидер Путин во надворешната политика.
„Трамп и американските олигарси сега отворено се здружуваат со Путин и руските олигарси“, објави Сандерс, додавајќи дека овој сојуз значи дека „САД ги напуштаат своите сојузници, го поддржуваат авторитаризмот и ги поткопуваат демократските традиции“.
Берни Сандерс во објавата истакна:
„Републиканците наскоро ќе поднесат компромисен предлог-закон што го опишува нивниот вредносен систем на алчност и послушност кон олигархијата. Ова е економската суштина на ‘трампизмот’. Тоа ќе ги направи богатите побогати, а сиромашните посиромашни. Тоа мора да се победи. И ние можеме да го победиме тоа.“
Осврнувајќи се на многумина Американци кои се бореа и ги загубија животите во одбраната на демократијата, сенаторот Сандерс во објавата наведе:
„Мора да застанеме покрај нашите сојузници во Европа против авторитаризмот на Путин и Трамп.“
Коментарите на Сандерс доаѓаат во време кога продолжуваат мировните преговори меѓу САД и Русија за Украина. Коментарите следуваа откако Трамп го критикуваше украинскиот претседател Владимир Зеленски поради војната, нарекувајќи го „диктатор“.
Сандерс, кој вчера имаше слични постови, на својот профил на платформата X објави:
„Кошмарот на олигарсите е дека не дозволуваме да бидеме поделени. Нивниот најголем страв е да се собереме и да покажеме храброст. Нема да биде лесно да се справиме со нив. Тие ја контролираат Владата и ги поседуваат медиумите” и даде ветување дека ќе победи во борбата против овие структури.
Извор: Anadolu Agency (AA)
