ИСТАНБУЛ (АА) – Неодамнешната анкета на Галуп, која ги истражува мислењата на Американците за живите претседатели на Соединетите Американски Држави (САД), покажува дека поранешниот претседател Барак Обама останува и понатаму најповолно гледан, додека претседателот Џо Бајден има најнизок рејтинг меѓу петте лидери од анкетата, јавува Анадолу.
Според анкетата објавена во вторникот, спроведена помеѓу 21 и 27 јануари, непосредно по инаугурацијата на Трамп за вториот мандат, со која се испитува мислењето и за сите четворица поранешни претседатели, 59 отсто од Американците позитивно гледаат на Обама, а 36 отсто изразиле неповолно мислење.
По него следува поранешниот претседател Џорџ Буш, кој има 52 отсто рејтинг за добро мислење на јавноста, додека 34 отсто го гледаат во негативна смисла.
Поранешните претседатели Бил Клинтон и Доналд Трамп имаат 48 отсто позитивен рејтинг. Но, неповолниот рејтинг на Клинтон изнесува 41 отсто, додека на Трамп е повисок, 50 отсто.
Бајден доби поволен рејтинг од 39 отсто – најнизок меѓу петте анкетирани лидери. Мнозинството од испитаниците, 57 отсто, гледаат на него негативно.
„Рејтингот на Трамп и Бајден во суштина е непроменет од оној од анкетата по изборите во 2024 година, што укажува на тоа дека ниту еден од нив не добил поголем имиџ од вестите околу претседателската транзиција“, според Галуп.
Извор: Anadolu Agency (AA)
