Министерот за надворешни работи и трговија на Македонија, Тимчо Муцунски, оствари средба со неговата австралиска колешка, Пени Вонг, и асистент-министерот за надворешни работи, Тим Вотс. Оваа средба е прва на министерско ниво меѓу Македонија и Австралија по дваесет години и претставува значаен чекор во одбележувањето на три децении дипломатски односи меѓу двете земји.
На средбата, двете страни се согласија да ги зајакнат билатералните односи и политичкиот дијалог, како и да ги унапредат инвестициите и трговската соработка. Разговарано е и за безбедносните прашања, регионалната стабилност и заедничките геополитички предизвици.
Дополнително, австралиската страна ја потврди својата значајна улога во зачувувањето на македонскиот идентитет, јазик и култура, со оглед на бројната македонска заедница во Австралија, која претставува еден од главните мостови на соработка меѓу двете држави.
Great meeting with FM @SenatorWong and assistant FM @TimWattsMP for the first 🇲🇰-🇦🇺 foreign minister’s meeting in 20 years, a significant milestone as we celebrate three decades of diplomatic ties.
✅ Agreed to strengthen bilateral relations & political dialogue
✅ Focused on… pic.twitter.com/20SPQZiYSF— Timco Mucunski (@TimcoMucunski) February 12, 2025
ИЗВОР: ТВ 21
