„Досега Институтот од она што јас можам да го видам во овие 5 месеци е дека Институтот, не ја имал таа негова примарна цел и едноставно луѓето кои што биле менаџери во самиот Институт, во своите приоритети не ја имаа поставено превенцијата за јавното здравје, а една од основните работи на самиот Институт е превенцијата“, истакна директорката на Институтот за јавно здравје, Марија Андоновска, во вечерашниот поткаст „ВМРО-ДПМНЕ Зборува“.
Андоновска дополни дека работите со кои што се соочила во овие неколку месеци, за неа се сосема зачудувачки.
„Работите кои што ги гледам, кои што се правеле таму, се едноставно, дури да не ти се верува дека се случувале. Јас велам леле колку нестварно е сето ова што се случувало, но наша обврска е, да тоа било така, но наша обврска е тоа истото да го поправиме во моментот и работиме на тоа, се со цел, како што споменавте, да ги вратиме институциите на граѓаните и тие да бидат во служба на граѓаните“, напомена Андоновска.
Директорката на Институтот за јавно здравје, се осврна и на обвинувањата упатени кон неа на етничка основа, при што посочи дека обвинувањата се само за да се прикрие нивното неспособно работење во Институтот за јавно здравје неколку години наназад.
„Кадар на ДУИ ја има водено институцијата наназад сите овие години пред да дојдам јас во институцијата. Веројатно сакајќи да ги прикријат сите оние недостатоци кои што се појавуваат, а кои што другите институции на системот ги наоѓаат, можеби сакаат да го свртат вниманието’’, потенцираше Андоновска и продолжи:
„На етничка основа, поделба во ИЈЗ нема да има. Ниту ќе има поделба на било која основа. Единствено што се бара е онака како што налагаат политиките на Владата, на премиерот, а тоа е чесно, домаќинско и транспарентно работење“, појасни Андоновска.
Андоновска дополни дека ‘како до сега’ веќе нема да има и дека граѓаните ја дадоа поддршката кон нив за да ги оправдаат целите.
„ДУИ мора да разбере дека ‘како до сега’ нема да има, туку мора да има подобро, затоа ние сме избрани, во тој правец треба да движиме за да ја вратиме довербата на граѓаните“, заклучи Андоновска.
ИЗВОР: kurir.mk
