Американскиот претседател Доналд Трамп повторно изјави дека САД ќе ја окупираат Газа, а Палестинците од областа ќе живеат во Јордан и Египет.
На новинарско прашање ‘по чија надлежност ќе ја окупира Газа’, тој рече: „Со авторитетот на САД“.
Трамп додаде дека Палестинците ќе живеат безбедно на териториите на кои ќе бидат раселени.
„Верувам дека 99 отсто ќе се договориме со Египет. Ќе управуваме со Газа правилно, нема да ја купиме“, рече Трамп.
Тој исто така откри дека не планира лично да се вклучи во обновата на палестинската енклава.
„Кога Газа ќе се развие, по долго време, ќе се отворат многу работни места кои ќе ги привлечат луѓето во регионот“, рече американскиот претседател, нагласувајќи дека израелската анексија на окупираниот Западен Брег „ќе успее“.
Трам оцени дека Хамас нема да го исполни условот да ги ослободи преостанатите заложници до сабота.
„Ако Хамас не ги ослободи сите заложници до сабота, сите опции се на маса“, рече Трамп.Reply
ИЗВОР: racin.mk
