ПНОМ ПЕН (АА) – Единаесетгодишно девојче почина во болницата во Камбоџа каде што беше лекувано од птичјиот грип, именуван како Х5Н1, известува Анадолу.
Министерството за здравство на Камбоџа извести дека детето кое живеело во едно село во подрачјето на градот Преј Венг и било префрлено во болница во главниот град Пном Пен на 16 февруари со поплаки на кашлица, болки во грлото и треска до 39 степени, починало, и покрај медицинската интервенција.
Во соопштението се наведува дека станува збор за прв случај на птичји грип во Камбоџа од 2014 година досега.
Освен тоа, Министерството информира дека се земени примероци од дивите птици што се застапени во регионот во кој живеело починатото девојче и упатиле предупредување да не се допираат мртвите или болни птици.
Мам Бунхенг, министерот за здравство на Камбоџа, соопшти дека птичјиот грип претставува висок ризик за децата кои собираат јајца од домашната живина.
Според Светската здравствена организација (СЗО), во Камбоџа од 2003 до 2014 година имало 56 случаи на птичји грип, од кои 37 резултирале со смрт.
Извор: www.aa.com.tr
