Меѓународниот Кривичен суд соопшти дека ја осудува одлуката на американскиот претседател Доналд Трамп да воведе санкции за неговиот персонал. Трамп синоќа одобри финансиски и визни санкции насочени кон луѓето кои работат на истраги на Меѓународниот кривичен суд против американски граѓани или американски сојузници како Израел.
Овој потег беше протест против судскиот налог за апсење на израелскиот премиер Бенјамин Нетанјаху и дојде додека израелскиот лидер беше во посета на Вашингтон. МКС соопшти дека наредбата ќе ја поткопа нејзината судска работа и ги повика своите 125 земји-членки „да се обединат“ за правда и човекови права.
„Судот цврсто стои со својот персонал и се обврзува дека ќе продолжи да обезбедува правда и надеж за милиони невини жртви на злосторства низ целиот свет, во сите ситуации пред него.“ – Меѓународниот Кривичен суд.
На Блискиот исток пак Израел објави дека почнал со подготовки за заминување на Палестинците од Газа и покрај глобалната осуда на планот на американскиот претседател Доналд Трамп да ја испразни територијата од нејзиното население. Администрацијата на Трамп веќе ублажи одредени аспекти на планот откако се соочи со широка меѓународна осуда, тврдејќи дека преселувањето на Палестинците ќе биде привремено. Американските власти дадоа неколку детали за тоа како и кога планот ќе биде спроведен.
Палестинците жестоко го отфрлија предлогот на Трамп, плашејќи се дека Израел никогаш нема да им дозволи да се вратат. Египет предупреди дека протерувањето на Палестинците ќе го дестабилизира регионот. Саудиска Арабија, Јордан, Турција, Европската унија и Кина исто така се спротиставија на планот на Трамп со прака дека е против хуманитарното и меѓународно прави и дека може да го дестабилизира регионот.
Извор: 24vesti.mk
