Претседателката на здружението на медицински сестри “За нас“, Гордана Бешлиовска бара да нема вработувања со договор за медицинските сестри, туку редовно вработување, бидејќи, како што вели во оваа професија има недостиг од кадар. Таа додава дека итно е потребно да се вработи медицинскиот персонал кои со години работат без здравствено и пензиско осигурување. Бешлиовска рече дека некои од медицинските сестри се принудени да бараат работа во бутици и како што истакна, на местото на оние кои со години работеле со договор на дело, сега се вработени луѓе од надвор.
Заменик министерот за здравство Јовица Андоновски вели дека министерството дало одобрение за продолжување на договорите за сите медицински сестри.
Андоновски исто така рече дека до крајот на март ќе бидат дадени и решенијата за работа.
ИЗВОР: ТВ 21
