Иако минуваа покрај фотографиите и запалените свеќи пред нив на местото каде пред неколку дена животот го загуби Фросина, граѓаните не се освестуваат, а можат да бидат потенцијална следна жртва на трагичните сообраќајни несреќи.
„Ова е една од најкритичните точки во главниот град која ја локализираа властите, како најопасен дел, пешачкиот премин на булеварот, каде пред неколку дена се случи несреќата во која животот го загуби 22 годишната Фросина. Како што се гледа, семафорите не се усогласени на пешачките премини и поради тоа, со оглед на тоа што пешаците ја минуваат едната лента од булеварот – остануваат на сред улица и бидејќи семафорот е на црвено, тие понекогаш поминуваат на црвено со што го загрозуваат сопствениот живот“, вели репортерот на ТВ21.
Граѓаните велат дека ваквите случувања се поради неказнивоста . Револтирани велат дека не се доволни протестите по губењето на човечки живот, туку поради лицата кои се недопирливи за законот.
Властите најавија заострување на мерките во сообраќајот, детектирајќи некои од црните точки во сообраќајот. Но правниците бараат да функционира системот и да се заострат казните во патниот законик. Адвокатот Ратко Димовски , смета дека освен во судството, во јавниот дискурс потребен е и епилог на судските предмети.
Инаку протестите го активираа алармот на институциите. Директорот на БЈБ, Александар Јанев вели дека пред два дена веќе се детектирани црните точки во земјава.
ИЗВОР: ТВ 21
