ИСТАНБУЛ/МУНБИЏ (АА) – Најмалку 14 лица загинаа, а 15 се повредени во терористички напад денес во подрачјето на Мунбиџ во сириската покраина Алепо, соопштија локални извори, јавува Анадолу.
Возило бомба експлодира на јужниот влез на Мунбиџ, кој е под контрола на Сириската национална армија (СНА).
Ранетите се пренесени во блиските болници, а постои загриженост дека бројот на жртви може да се зголеми.
Досега ниту една група не ја презеде одговорноста за нападот, но локалните безбедносни сили соопштија дека нападот можно е да е извршен од терористичката организација ПКК/ЈПГ.
СНА го ослободи Мунбиџ од терористите во декември 2024 година како дел од операцијата „Зора на слободата“.
Во својата 40-годишна терористичка кампања против Туркије, ПКК, којашто е наведена како терористичка организација од страна на Туркије, САД и ЕУ, е одговорна за смртта на над 40.000 луѓе, меѓу кои и деца, жени и постари лица. ЈПГ е нејзин сириски огранок.
Од падот на режимот на Асад во Сирија, терористичката организација се обиде да ја искористи регионалната нестабилност за да создаде „терористички коридор“ покрај границата со Туркије.
Извор: Anadolu Agency (AA)
