Туркије го одбива предлогот на Трамп Палестинците да се протераат од Газа

ДОХА (АА) – Турскиот министер за надворешни работи Хакан Фидан денес изјави дека Анкара во потполност му се противи на предлогот на Доналд Трамп Палестинците да се протераат од Газа и да се пратат во други земји, пренесува Анадолу.

Говорејќи на заедничката прес-конференција со катарскиот премиер и министер за надворешни работи, шеикот Мохамед бин Абдулрахман ал-Тани, Фидан рече дека предлогот е спротивен на хуманитарното право.

Тој истакна дека сите треба да се спротивстават на планот, додавајќи дека Анкара ја поддржува неодамнешната декларација од Каиро во врска со Палестинците во Газа.

Фидан од денес се наоѓа во дводневна посета на Катар.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.