ГАЗИАНТЕП (АА) – Седумдесет и осум часа по разорните земјотреси кои во понеделникот ги погодија турските јужни области, од под урнатините спасена е една девојка, јавува Анадолу.
Акцијата на претрага и спасување продолжува во регионите погодени од земјотресите.
Спасувачки тимови утрово во Газиантеп по огромни напори успеаја да ја спасат 17-годишната девојка Унзиле Севимли која под урнатините остана заглавена дури 78 часа.
Медицинските екипи веднаш ѝ укажаа помош.
„Најмалку 12.873 луѓе загинаа, а 62.937 се повредени по двата силни земјотреси што во понеделникот го потресоа југот на Туркије“, објави Управата за вонредни состојби (АФАД).
Земјотреси со јачина од 7,7 и 7,6 степени со епицентар во подрачјето на Кахраманмараш, погодија 10 околни области и над 13 милиони луѓе.
Извор: www.aa.com.tr
