ЗНМ: Новинари спречени да известуваат од настан на кој присуствувал премиерот Ковачевски

January 11, 2023
1 min read

За време на денешниот настан во кругот на фабриката „Пекабеско” во Скопје каде бил присутен Претседателот на Владата на Северна Македонија Димитар Ковачевски, новинарите Љупче Златев и Предраг Кукиќ биле спречени да присуствуваат на настанот и да постават прашања до Премиерот.

Според информациите кои пристигнаа до ЗНМ од колегите новинари присутни на настанот, од страна на лице вработено во приватната агенцијата за обезбедување РОТЕ им биле побарани новинарски акредитации кои според сведочењето на новинарите тие им ги покажале и потенцирале дека добиле покана од Владата за овој настан. Обезбедувањето сепак ги спречило да влезат на настанот, за да си ја извршат својата новинарска задача.

По реакциите од страна на нашите колеги новинари за овој инцидент, ЗНМ ќе достави претставка до Комората за приватно обезбедување на Република Северна Македонија со цел расчистување на овој инцидент за агенцијата за обезбедување РОТЕ.

Потребно е да се знае дека припадниците на агенциите за приватно обезбедување во ниеден случај не смеат да ја ограничат работата на новинарите и медиумските работници кои известуваат бидејќи на тој начин се ускратува и правото на информирање на граѓаните.

Укажуваме дека одговорноста за вакви попречувања на работата на новинарските екипи е и на товар на организаторот и на Владата која ги поканила новинарските екипи. Затоа бараме и Владата и компанијата Пекабеско да спроведат внатрешна истрага за да се спречат вакви инциденти во иднина, реагираат од ЗНМ.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Во САД обновени домашните летовите

Следно

Тепачка меѓу осум лица пред угостителски објект во Скопје

Latest from Blog

Мицкоски: Започна изградбата на нов продажен маркет на „Лидл“, ова е уште една потврда дека сме вистинска дестинација за инвеститорите

Премиерот Христијан Мицкоски денес се обрати на поставувањето на камен-темелник на нов продажен маркет на „Лидл“, проект кој е важен за македонската економија и за македонските граѓани. Порача дека со оваа инвестиција,

„Македонска држава“ – прва дигитална библиотека за македонското историско наследство стартува на 8 септември

Првата дигитална платформа со електронски книги, историски документи и истражувања кои опфаќаат над 150 години македонска историја, култура, поезија и патриотско творештво почнува со работа на 8 септември, Денот на независноста. Станува

Македонските репрезентативци пристигнаа во Чешка пред контролниот натпревар со Саудиска Арабија

Македонската А репрезентација пристигна во Прага каде на 4 септември ќе одигра контролен натпревар против Саудиска Арабија во рамки на официјалниот ФИФА термин. Средбата ќе се одигра на стадионот „Викторија“ со почеток

Убиство на Детелинара: Маж избоден по расправија во кафеана

Во новосадската населба Детелинара, нешто после 23 часот, според неофицијални информации, се случи убиство пред едно угостителско локалче. Жртвата, според првите наводи, е маж. Инцидентот се одиграл на аголот меѓу улиците Јанка

Идеалната единаесетка на слободни агенти!

Заврши летниот трансфер-период, во кој англиската Премиер лига повторно беше главниот двигател. Трите најскапи трансфери (Александер Исак, Флориан Вирц и Хуго Екитике) ги реализираше Ливерпул, а осум од десетте најголеми зделки носеа
Go toTop