Земјотрес со јачина од 4,4 степени ја погоди турската област Хатај

АНКАРА (АА) – Земјотрес со јачина од 4,4 степени го погоди подрачјето на Антакија во турската област Хатај, пренесува Анадолу.

Информацијата преку соопштение ја потврди турската Агенција за управување со катастрофи и вонредни состојби на Туркије (АФАД).

Во соопштението објавено на интернет страницата на АФАД се вели дека земјотресот се случил во 10:20 часот по локално време.

Се додава дека земјотресот со јачина од 4,4 степени се случил на длабочина од 11,06 километри.

Инаку, на 6 февруари, земјотреси со јачина од 7,7 и 7,6 степени по Рихтеровата скала погодија 11 турски области – Адана, Адијаман, Дијарбакир, Елазиг, Хатај, Газиантеп, Кахраманмараш, Килис, Малатија, Османије и Шанлиурфа.

Над 13 милиони луѓе во Туркије се погодени од земјотресите, и многу луѓе во северозападна Сирија.

Во земјотресите во Туркије животот го загубија 45.089 лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).