КИИВ (АА) – Украинскиот претседател Владимир Зеленски изјави дека руската армија во текот на ноќта извршила напади низ цела Украина и дека има мртви и ранети, јавува Анадолу.
Во изјавата објавена на социјалните мрежи, Зеленски потсети дека во текот на ноќта низ Украина биле извршени ракетни напади.
Истакнувајќи дека нападите на руската армија биле насочени кон клучните инфраструктурни и станбени објекти, Зеленски рече: „За жал, има ранети и мртви. Моето сочувство до нивните семејства“.
Зеленски во текстот наведе дека сите службени единици се на должност.
„Се обновува активноста на енергетскиот систем, се применуваат ограничувања во сите региони“, рече Зеленски и додаде:
„Непријателот повторно се обиде да ги заплаши Украинците истрелувајќи 81 проектил и се врати на својата мизерна тактика. Окупаторите можат само да ги тероризираат цивилите. Тоа е сè што можат да направат, но тоа нема да им помогне.
Извор: www.aa.com.tr
