Украинскиот претседател Володимир Зеленски во вчерашното интервју за Франс Прес изјави дека ја отфрла идејата за примирје во војната со Русија за време на Олимписките игри во Париз, за што францускиот претседател Емануел Макрон изрази желба.
-Реков: Емануеле, ние не веруваме во тоа. Ајде за момент да замислиме дека има примирје. Како прво, ние не му веруваме на (Владимир) Путин. Второ, тој нема да ги повлече своите трупи. Трето, (…) кажи ми Емануел, реков, кој гарантира дека Русија нема да го искористи ова за да ги донесе своите трупи на наша територија. – рече Зеленски.
Неколку часа претходно, рускиот претседател, кој отпатува за Кина, имплицираше дека се противи на олимпиското примирје бидејќи на неговата земја и беше забрането учество на Олимпијадата поради инвазијата на Украина.
Извор: 24vesti.mk
