Започнува изградбата на Мега паркот во општина Чаир, којшто ќе има површина од 30.000 метри квадратни.
Изградбата на паркот ја најавија вчера на прес-конференција градоначалничката на Град Скопје Данела Арсовска и градоначалникот на општина Чаир Висар Ганиу, придружувани од директорот на ЈП „Улици и патишта“ Саид Саиди и на Паркови и зеленило – Скопје Зухејр Реџепи, заедно со пратениците Изет Меџити и Мерита Коџаџику
Тие информираа дека во овој парк ќе има 500 нови дрвја и садници, нова хидрантска мрежа и цветни градини.
Во паркот се предвидени два нови спортски терени, две детски игралишта, два парка за домашни миленици, едно игралиште за фитнес, 26 нови летниковци, нова урбана опрема, пешачки патеки и фонтани.
Изградбата на Мега-паркот во општина Чаири е производ на меѓуопштинска соработка меѓу општина Чаир и Град Скопје.
Мега Паркот се наоѓа на улицата „Македонско-Косовска Бригада “, во населбата Топанско Поле.
ИЗВОР: skopjeinfo.mk
