Управите на двете руската и украинската престолнина соопштија дека во текот на раните утрински часови градовите биле нападнати со дронови. Во нападот на Москва, според тамошните власти, нема загинати. Во нападот за кој информира официјален Киев, пак, загинало најмалку едно лице, а четворица се повредени
Неколку згради се оштетени во напад со беспилотни летала, кој рано утринава се случи во Москва. Штетата предизвикана од нападот, како што соопшти градоначалнкикот на руската престолнина, Сергеј Собјанин, е мала, а никој од жителите на напднатите објекти не е сериозно повреден. Жителите од зградите се евакуирани.
„Според информациите од медицинските служби на градот, во моментов никој од жителите на објектите оштетени од дроновите не е тешко повреден. Две лица побарале лекарска помош, но никој нема потреба од хоспитализација. Потребната медицинска помош е укажана на самото место“,
соопшти градоначалникот на Москва, Собјанин.
Московскиот градоначалник, во објавата на својот канал на Телеграм, додаде дека сите служби за итни случаи во градот се на местото на инцидентот и ги испитуваат околностите за нападот.
Засега не е јасно од каде дошле беспилотните летала.
Би-би-си, повикувајќи се на објави на неколку руски канали на Телеграм, објави дека од четири до 10 беспилотни летала биле соборени на периферијата на Москва и нејзината околина.
Украина засега не се произнесе во врска со нападите на Москва.
За напад со дронови кој се случил рано утринава, на околу час и пол по полноќ, објави и официјален Киев. Градската воена управа на Киев на својот канал на Телеграм објави дека украинската престолнина била нападната со повеќе од 20 дронови, а нападот, како што соопштија, бил масовен и доаѓал од различни страни.
#UkraineWar #Ukraine #Russia
In #Kyiv in the #Goloseevsky district, a multi-story building is on fire after being hit by debris. Residents are being evacuated. There is one victim
📷 KMVA pic.twitter.com/WkLrjsl5Cq— 🛰️ War in Ukraine 🍉 (@EUFreeCitizen) May 30, 2023
Исто како и во нападот на Москва, меѓу останатото, оштетени се снанбени згради и куќи, а жителите се евакуирани.
Во нападите, како што соопшти Киевската управа, загина најмалку едно лице, а четворица се повредени.
„Во последните 24 часа, непријателот веќе изврши три напади. Згора на тоа, непријателот постојано го менува оружјето за напад. Овој екстремен воздушен напад е 17-ти од поетокот на месецот“,
соопшти Киевската воена управа на својот канал на Телеграм.
Оттаму додаоа дека украинските сили за противвоздушна одбрана собориле 20 беспилотни летала.
Извор: 360stepeni.mk
