Во турскиот град Малатија се сруши петкатна зграда

МАЛАТИЈА (АА) – Во турскиот град Малатија денеска се сруши зграда која претрпе големи оштетувања за време на разорните земјотреси на почетокот на февруари, јавува Анадолу.

Станува збор за петкатница во населбата Којуноглу во Малатија, која денеска спонтано се урна.

Во подрачјето испратени се тимови на пожарникари, АФАД, на Националниот медицински спасувачки тим и полицијата, а тимовите проверуваат дали имало некој во зградата во моментот на уривањето.

Во разорните земјотреси што го погодија југот на Туркије на 6 февруари оваа година загинаа над 50.000 луѓе, додека во Сирија загинаа неколку илјади.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).