Во Скопје започна 30. Министерски совет на ОБСЕ

November 30, 2023
2 mins read

СКОПЈЕ (АА) – Претседавачот со ОБСЕ, наедно и министер за надворешни работи на Северна Македонија, Бујар Османи, официјално го отвори 30. Министерски совет што денес и утре се одржува во Скопје, јавува Анадолу.

На состанокот учествуваат претставници од 57 земји членки на ОБСЕ, односно околу 1.000 учесници од 76 делегации.

Во името на Туркије на состанокот присуствува турскиот заменик-министер за надворешни работи, Бурак Акчапар.

На отворањето, претседавачот Османи му даде збор на премиерот на Северна Македонија, Димитар Ковачевски, кој повика да се остават настрана националните агенди, нагласувајќи дека ниту една земја не може долгорочно да напредува изолирано.

„Овој настан е кулминација на нашето годинашно претседавање со ОБСЕ, кое и во редовни околности, верувам ќе се согласите, не е лесен ангажман. Но кога во декември 2020 година со консензус ни беше доделена честа да управуваме со оваа најголема регионална безбедносна организација, тешко некој можеше да предвиди дека пред нас ќе имаме вакви турбуленции и предизвици во регионот на ОБСЕ и пошироко”, рече Ковачевски, споменувајќи ја руската воена инвазија врз Украина.

Претседавачот со ОБСЕ, Бујар Османи, во својот говор им посака добредојде на сите присутни на 30. Министерски совет.

Тој потсети дека претходно беше постигнат консензус Малта да претседава со ОБСЕ во 2024 година, додавајќи дека во рамките на одобрената агенда, формалностите ќе бидат спроведени утре.

„На крајот од нашето претседателство праќам порака на надеж дека нема да го пропуштиме историскиот момент, дека одговорно ќе одговориме на тежината на моментот и дека ќе обезбедиме предвидлива и конструктивна иднина за ОБСЕ“, рече Османи.

Претседателката на Генералното собрание на ОБСЕ, Пиа Каума, рече дека ОБСЕ успеа да ја продолжи својата работа и покрај предизвикувачкото опкружување поради „неоправданата воена руска агресија“ врз Украина и фактот дека Русија „продолжува да ги крши сите 10 принципи на Хелсинки“.

Сепак, нагласи таа, пречките со кои се соочува организацијата, како што се доцнењето со постигнување договор за претседавач и раководители на институциите на ОБСЕ, блокирањето на одобрението на буџетот и дополнителните ограничувања на теренските операции, ја загрозуваат колективната безбедност.

„Нашите гласачи очекуваат резултати (од нас), како нивни избрани претставници не може да избегнеме вина. Мора да работиме заедно за јасни решенија. Соочени со таква невидена неизвесност, тврдам дека ОБСЕ е посуштински потребна од кога било претходно“, рече Каума.

Генералната секретарка на ОБСЕ, Хелга Марија Шмид, рече дека „безбедносната средина со која се соочуваме во регионот на ОБСЕ и пошироко“ е заедничка одговорност на сите.

„Штотуку слушнавме од премиерот, министерот Османи и претседателката Каума за сериозните предизвици со кои се соочуваме… од војна сѐ до тероризам, од организираниот криминал и корупцијата до климатските промени, од трговијата со луѓе до родовото насилство, нетолеранцијата и дискриминацијата“, рече Шмид.

Таа додаде дека ОБСЕ, врз основа на принципите и заложбите договорени меѓу земјите учеснички, работи и ќе продолжи да работи на спречување конфликти преку промовирање сеопфатен дијалог.

Северна Македонија, која претседава со ОБСЕ во 2023 година, ги спроведува своите активности на тема „За луѓето се работи“.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

УХМР: Утре и во сабота зголемување на дневната температура

Следно

Во Пекинг пријавени повеќе од 72.000 случаи на заразни болести

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop