АНКАРА (АА) – Висок терорист на ПКК/КЏК е неутрализиран од турската разузнавачка служба МИТ во северен Ирак, соопштија безбедносни извори, јавува Анадолу.
„Саад Али Бедел, со кодно име „Чеко Пир“, за кој е утврдено дека учествувал во акции против турските бази, е водач на терористичките активности против турската разузнавачка служба во регионот Синџар“, наведоа изворите.
МИТ, кој назначил специјален тим за следење на активностите на Бедел во Синџар, утврдил дека терористот живее со Језидите.
„Турските сили презедоа акција откако дознале дека Бедел планира нова акција против базата „Башика“ на турската Армија во Мосул, Ирак“, додаваат изворите.
Турските разузнавачи го неутрализираа Бедел во Синџар и покажаа високо ниво на чувствителност во однос на ненанесување штета на цивилното население кое терористот го користел како штит.
Бедел, кој бил таканаречен воен офицер на ПКК/КЏК-ЈБС Синџар, е терорист кој ги предводел активностите против турската разузнавачка служба и нападите врз базата на турската војска Башика/Геду.
Во својата над 35-годишна терористичка кампања против Туркије, ПКК, која е ставена на листата на терористички организации од Туркије, САД и ЕУ, е одговорна за смртта на повеќе од 40.000 луѓе, меѓу кои и деца и жени.
Извор: www.aa.com.tr
